Hindi Shayari Collections

Zindagi

--------------------------------------------------------------------------------

Idhar zindagi ka janaza uthega,
Udhar unke pairon mein mehendi rachegi,
Qyamat se pehle qayamat hain ya rab,
Mere saamne meri duniya lutegi,

Meri maut pariyon ki mehfil mein hogi,
Janaza hasino ke Galiyon mein hoga,
Qafan mera hoga, unhi ka dupatta,
Bade dhoom se meri mayyat uthegi.

Hawa chup, Fiza chup,Kali chup,
Aur yeh kehkasha bhi chup,
Idhar mein chup udhar wo chup,
Khuda jaane yeh raat kaise kategi.

Wo parde ke andar, mein parde ke bahar,
Na mein jau andar na wo aaye bahar,
lagaye hue kaan kabse khada hu,
Karwat wo lenge to choodiyan bajegi.

na socha tha yeh dil lagane se pehle,
Mohabbat ka meri yeh anjaam hoga,
Wo gairon mein lutenge mae zindagi ke,
Idhar meri raat tanhai mein kategi.

Har Khwahish azaan padhti hain,
Har tamanna wazu karti hain,
Meri awaargi ke hujre mein,
Ek hasina Quran padhti hain,
Ishq aisa darood hain yaaron ,
Jise har dil ki zubaan padhti hain

Love SMs
Love Shayari
SMS Jokes Forum